GAU-ს კურსდამთავრებულები

"ემ გრუპი"

"მიუხედავად იმისა, რომ GAU-ში მეოთხე კურსზე გადმოვედი სხვა უნივერსიტეტიდან, ძალიან კარგად შევძელი დამენახა GAU-ს უპირატესობები: პირველ რიგში უნივერსტეტის მხრიდან ხელშეწყობა სტუდენტებისთვის, რათა მათ სწავლისთვის სამუშაოს შეთავსებაც შეძლონ; გარემო, რომელიც ძალიან მეგობრულია და, ამავე დროს, ამბიციის გამჩენი, რომ უკეთესი და წარმატებული იყო..."

პროფესორები და ლექტორები

2004 წელს ქეთი გახდა ქ.თბილისის სახელმწიფო სამხატვრო აკადემიის კომპიუტერული ხელოვნების სპეციალობის მაგისტრი მულტიმედიისა და დიზაინის მიმართულებით. ამავე წელს გაიარა სარეკლამო დიზაინის კურსი ქ.მოსკოვის ნ. ე. ბაუმანის სახელობის სპეციალიზირებულ სასწავლო კომპიუტერულ ცენტრში...

GAUზიარე ხედვა - დედამიწის გამოწვევები

27 აპრილს 17:00 საათზე „ეკო გარდენში“ ქართულ-ამერიკული უნივერსიტეტის (GAU) სტუდენტების მიერ შექმნილი პოსტერების გამოფენა გაიმართა სახელწოდებით „GAUზიარე ხედვა - დედამიწის გამოწვევები“.

ღონისძიება GAU-ს პრეზიდენტთან, მაიკლ ქაუგილთან ერთად, საქართველოს განათლებისა და მეცნიერების მინისტრმა მიხეილ ჩხენკელმა გახსნა. ინფორმატიკისა და ინჟინერიის სკოლის მულტიმედია დიზაინის ათმა სტუდენტმა პოსტერები მწვავე სოციალურ თემატიკაზე შექმნა. 

ნამუშევრები, რომლებიც დედამიწის დღეს მიეძღვნა, ახალგაზრდების დამოკიდებულებას გამოხატავს პრობლემური საკითხების მიმართ, როგორიცაა ეკოლოგია, უსაფრთხოება და ზოგადად ადამიანის უფლებები. პოსტერების ავტორები არიან: ნიკა ტალახაძე ნიკიტა რაზუმნი ოთარ კუპრავა გიორგი ყენია ნიკა გოგუაძე ნიკოლოზ ორველაშვილი კობა გოგუა ალექს ითონიშვილი გიორგი კუკულავა გიორგი არაბული.

სტუდენტებს წარმატება მიულოცეს ქართულ-ამერიკული უნივერსიტეტის (GAU) ინფორმატიკისა და ინჟინერიის სკოლის დეკანმა კონსტანტინე კულიჯანოვმა და ლექტორმა და პროექტის ხელმძღვანელმა ქეთი ბიბილაშვილმა. ღონისძიება, რომელიც მუსიკალურად GAUბენდმა გააფორმა, საზეიმო ტორტით დასრულდა.